Eivissako distantzia luzeko triatloian partehartze bikaina egin du Miguel Ledesmak

Miguel Ledesma Blanco triatleta ermuarrak Eivissan jokatu den Kirol Anitzeko 2023ko Munduko Triatloi Txapelketan parte hartu du azken asteburuan, distantzia luzeko proban. 6001 zenbakia erantsi duen ermuarrak hirugarren postua lortu du igande honetan, 20 eta 24 urte bitarteko kirolarien taldean.

Lasterketa igeriketarekin hasi zen, 3.000 metroko distantziaz, eta Ledesmak 42 minutu eta 45 segundoan burutu du, bere taldeko denborarik onena. Hiru minutu pasatxo hastu zituen, arropak eta oinetakoak aldatzeko, ondoren, ermuarra bizikletara igo da 116 kilometroko ibilbidea egiteko. Tarte horretarako 3 ordu, 6 minutu eta 50 segundo behar izan zituen, eta beste ekipazio aldaketa labur baten ondoren, azken probari aurre egin dio: 30 kilometro oinez. Bi ordu, 6 minutu eta 33 segundo geroago helmugaratu da.

Igerian eta bizikletan adin taldeko erlojupeko denborarik onena eta bigarrena egin zuen. Azken zatiko lasterketak eta hanketan kilometro askoren baturak apur bat zigortu zuten, azkenean laugarren denbora onena eginez. Marka bikaina da, nolanahi ere, forma-egoera handia eta dedikazio handia eskatzen duten hiru diziplina biltzen dituen modalitate zorrotz batean egindakoak. Hirugarrena 20-24 urteko gizonezkoen kategorian.

2023ko Kirol Anitzeko Munduko Triatloi Txapelketako sailkapen orokorrean, adin eta kategoria bereizketarik gabe, Miguel Ledesmak hamargarren postua egin du.