Ermua Antzokiak bi komedia dramatiko, wester bat eta animazio bat eskainiko ditu aste honetan

21.05.24
Kultura eta Gazteria
Ermua Antzokia
Proiektatuko ditu 'Siempre nos quedará mañana'; La Casa'; 'Hasta el fin del Mundo' eta 'Garfield' filmak

Ermua Antzokiak bi komedia dramatiko, wester bat eta estreinaldi berriko animazio bat eskainiko ditu aste honetan. Ikusi ahal izango ditugun bi film aurten bertan aurkeztu dira, eta beste biak joan den 2023koak dira. Programazioa ostegunean hasiko da zineklubaren saioarekin, 20:30etatik aurrera. Saioan "Siempre nos queda mañana" film luzea ikusi ahal izango dugu jatorrizko bertsioan, azpitituluekin (VOS), 119 minutu irauten duena. Paola Cortellesi zuzendariaren ekoizpen italiarra da. 1940ko hamarkadara garamatzan komedia dramatikoa. Udaberria da, eta familia osoa aztoratuta dago alaba zaharrenaren, Marcellaren, berehalako konpromisoarekin, zeinak klase ertaineko mutil atsegin batekin, Giuliorekin, berehala ezkontzea espero duen, familia deseroso horretatik libratzeko.

Sail komertzialean, lehen proposamena Álex Montoya zuzendariaren "La Casa" film espainiarra da. Aurten bertan estreinatutako komedia dramatikoa da eta 83 minutu irauten ditu. Aita hil ondoren, hiru anai-arreba elkartzen dira haurtzaroko udak igaro zituzten familiaren etxean. Etxebizitzarekin zer egin erabakitzea tokatzen da, eta hori uste baino zailagoa izango da. Gidoi onena eta Publikoaren saria Malagako Zinemaldian. Larunbatean 19:30ean eta astelehenean 20:30ean ikusi ahal izango dugu.

Asteko bigarren proposamen komertziala "Hasta el fin del mundo" da, Viggo Mortensen aktoreak zuzendutako ekoizpen iparramerikarra. XIX. mendeko western bat da. Vivienne Le Coudy, emakume guztiz independentea, Holger Olsen izeneko etorkin daniar batekin harremanetan hasiko da. Olsen San Frantziskon ezagutu ondoren, Viviennek bere etxera bidaiatuko du berarekin, Elk Flats herri lasaitik gertu. Larunbatean 22:00etan eta igandean 19:30ean ikusi ahal izango dugu.

Azkenik, igandean arratsaldeko 5etan eta publiko gazteenarentzako emanaldian "Garfield: la película 3D" marrazki bizidunen filma ikusi ahal izango dugu. Mark Dindalek zuzentzen du eta aurten bertan estreinatu den ekoizpen iparramerikarra da. Mundu osoan ezaguna den Garfield, astelehenak gorroto dituen eta lasagna maite duen etxeko katua, abentura bat bizitzear dago kanpoko mundu basatian! Familia osoarentzako zinta egokia.

Bideoak

URL de Video remoto
URL de Video remoto
URL de Video remoto
URL de Video remoto

Lotutako albisteak

Imagen
Premio en la ctegoría de 0 a 12 años de edad
21.06.24
Abian da Bookface udako lehiaketa

Ekimen dibertigarri honen hirugarren edizioa irailaren 15era arte luzatuko da
Imagen
20.06.24
Badator dibertsioz beteriko uda Oporretan Jolasen eskutik

Udako umeentzako jarduerak astelehen honetan, ekainaren 24an, hasiko dira eta 692 lagunek parte hartuko dute
Imagen
19.06.24
Rocioko amaren omenezko erromeria ospatuko du Ermuko Andaluziako Zentroak

San Pelaio plazan eta Betiondon izango dira ekitaldiak ostiral eta larunbat honetan