Eskalatzen ikasteko hastapen ikastaroa dohainik gazteentzat

Udaleko Gazteria Zerbitzuak eta Ermua Kirolak elkarlanean hastapen ikastaroa eskaladara gazteentzat antolatu dute betiondoko kirol guneko rokodromoan 2007 eta 2012 urteen artean -biak barne- jaiotako hamabi (12) neskato-mutikoentzat. Parte-hartzaileek eskaladaren oinarrizko aspektuak ikasi eta praktikatu ahal izango dituzte , ordu eta erdiz, betiondoko kirol guneko rokodromoan.

Proposamena hamabi gazterentzat da eta izena ematen dutenek bertaratzeko konpromiso pertsonala hartuko dute, plazak mugatuak baitira. Interesa dutenek maiatzaren 5era arte eman dezakete izena, bi bide erabiliz: udal liburutegira joanez edo onlineko eskabidea betez (karteleko QR kodearen bidez ere eskabidera iritsi daiteke). Jasotzen den eskaera kopurua eskaintzen den plaza kopurua baino handiagoa bada, zerbitzuak zozketa bat egingo du interesdun guztien artean. Ermuan erroldatutako gazteek lehentasuna izango dute jarduera honetan. Parte hartuko dutenen zerrenda webgune korporatibo honetan argitaratuko dugu maiatzaren 6an, asteartean, eta izena eman dutenei ere jakinaraziko zaie.

Aisialdiko arratsalde alternatiboa eta osasungarria izango da

Proposamena lagun berriak egiteko edo horietan sakontzeko aukera bat izango da. Arratsalde desberdin eta dibertigarri bat pasatzea. Loturak eta talde-lana sendotzea, erronkei aurre egiteko. Eskalada probatu eta ezagutu ondoren, Betiondon praktikatzen jarraitzeko aukera izango dute parte hartzaileek. Parte hartzen duten gazteek kirol arropa eroso baino ez dute eraman behar, eskalatzeko behar duten ekipamendua bertan utziko baitzaie.

Udaleko Gazteria Zerbitzuak jarduera honi buruz egon daitezkeen galdera edo zalantzei erantzungo die. Gurekin harremanetan jartzeko 689 04 25 71 telefono zenbakira deitu edo gazteria@udalermua.net helbide elektronikora idatzi.