Gimnasia erritmikoaren eta haur dantzen erakustaldia kiroldegian

Ermua eta Eibarko Gimnastika Erritmikoko taldeak datorren astean egingo den erakustaldi batekin ikasturteari agur esaten hasiko da. Erakustaldia hain zuzen ere, astelehenean -maiatzaren 29an- egingo da, arratsaldeko bostak eta laurdenetatik aurrera, San Pelaioko Miguel Angel Blanco kiroldegiko pistan.

Erakustaldian Ermua eta Eibarko Gimnastika Erritmikoko taldeak eta herriko Dantza talde gazteak parte hartuko dute. Jarduerak laurogeita hamar minutuko iraupena izango duela aurreikusten da, arratsaldeko bostak eta laurdenetatik zazpiak laurden gutxiagora bitartean. Sarrera librea da.