Ikasi uraz gozatzen: igeriketako ikastaro trinkoak

Ermua Kirolak jakinarazi du igeriketa ikastaro trinkoak antolatu dituela ekaineko eta uztaileko lau astetarako, udal kiroldegiko igerilekuan. Programazioak maila guztietako ikastaroak aurreikusten ditu, adin guztietarako: haurrak, gazteak eta helduak. Ikastaroak ekaineko azken astean egingo dira -hilaren 26tik aurrera-, ikasturtea amaitu ondoren, eta uztaileko lehenengo hiru asteetan -21era-.

Izen-ematea ostegun honetan, maiatzaren 18an, irekiko da eta ekainaren 22an, ostegunean, itxiko da edo plaza libreak bete ondoren. Izen-ematea udal kiroldegian eta Betiondo Gunean egin daiteke. Tarifak aldatu egiten dira mailaren, asteko saio-kopuruaren eta ikastaro-egilea abonatua den ala ez kontuan hartuta. Hala, 0 mailan, astean bi saio eta zortzi guztira, 44 €ordainduko dituzte abonatuek eta 68,30 €abonatu gabekoek. Bestalde, 1. mailatik 5.era eta goragotik, astean bost saio egingo dituzte, eta guztira hogei, 60,40 €abonatuek eta 109,50 €abonatu gabekoek.

Programatutako ikastaroen eskaintza honako hau da:

Tarifen xehetasuna:

0 maila | 2 saio astean | Asteartea eta osteguna | 8 saio guztira | Ekainaren 27tik uztailaren 20ra:

• Abonatuak: 44,00 euro.
• Abonatu gabeko pertsonak: 68,30 euro.

1, 2, 3, 4, 5 eta + mailak | 5 saio astean | Astelehenetik ostiralera | 20 saio guztira | Ekainaren 26tik uztailaren 21era:

• Abonatutako pertsonak: 60,40 euro.
• Abonatu gabeko pertsonak: 109,50 euro.

Banketxearen bidez ordaindu beharko da ikastaroa, beraz, ezinbestekoa da horretarako behar diren datuak inskripzio-orrian betetzea, baldin eta aurreko aldietan eman ez badira.

Informazio gehiago 943 17 90 90 telefonoan eta kirolak@udalermua.net postontzi elektronikoan.