Irisgarritasuna hobetzeko eta fatxadak birgaitzeko udal-dirulaguntzak zabalik

Hirigintza Alorrak jakinarazi du irekita mantentzen dituela Ermuko bizitegi-eraikinetako irisgarritasun orokorra hobetzeko eta fatxadak berritu eta isolatzeko obretarako dirulaguntzak. Ekitaldiko dirulaguntza lerro horoik urtarrilaren 1ean jarri ziren indarrean, eta azaroaren 30era bitartean zabalik mantenduko dira.

Ermuko Udalak helburu jakin zehatzerako ematen dituen laguntza horiek eskuratzeko eskabideak jabeen erkidegoek edo haien administratzaile direnek aurkez ditzakete. Etxebizitza-eraikinetako irisgarritasuna hobetzeko eta fatxadak birgaitzeko eta berritzeko dirulaguntzak dira, eta Konbentukoa kalean dugun "Abiapuntu" herritarren arretarako bulegoan edo egoitza elektronikoaren bidez aurkez daitezke. Laguntza horiek deialdia arautzen duten udal-ordenantzetan oinarrituta ematen dira. Ordenantza horiek webgune korporatibo honetan daude argitaratuta.

Hona hemen ordenantza horiek:

1. Ermuko udalerrian fatxadak birgaitzeko eta berritzeko laguntzak ematea arautzen duen ordenantza.
2. Minusbaliotasunen bat duten edo mugitzeko arazo larriak dituzten pertsonentzako joan-etorrietarako baliabideak eskuratzeko eta bizi diren eraikinetan arkitektura-oztopoak kentzeko laguntzak emateko araudia".