Joanna Díazek uko egin dio zinegotzi karguari

EH Bilduren hautagaitzako Joanna Díaz Benito zinegotziak uko egin dio zinegotzi karguari eta Ermuko Udalbatza utzi du. Hautetsiak hilabete honetan aurkeztu zuen uko egiteko idazkia, eta Osoko Bilkurak eskaera aintzat hartu eta horren berri eman zuen uztailaren 23ko asteartean egindako azken Osokoaren bilkuran.

Osoko bilkuran erabaki zen hutsune hori adieraztea eta Hauteskunde Batzorde Zentralari jakinaraztea, bete dezan. Horretarako, EH Bilduk 2023ko toki-hauteskundeetan aurkeztu zuen zerrendaren ordenari jarraituko zaio. Zerrendan Joannaren atzetik, Julen Rodríguez Barrenetxea eta Ainhoa Luz Ardanza daude, bosgarren eta seigarren postuan, hurrenez hurren.

Joannaren bigarren mandatua zen hau, udaletxera 2019an sartu baitzen