Kirolari gazteen artean adikzioak prebenitzeko formakuntza saioak

06.05.25

Kirolak

Gizarte Zerbitzuak

Maiatzaren 6tik 27ra bitartean bost saio egingo dira herriko klubetako gazte, familia, entrenatzaile eta teknikariekin

Ermuko Udaleko Kirol alorrak eta Gizarte Zerbitzuek herriko kirolari gazteen artean adikzioak prebenitzeko formakuntza saioak prestatu dituzte. Sentsibilizazio tailer hauen helburu orokorra tokiko nerabeen artean mendekotasunak prebenitzeko tresnak eskaintzea eta garrantzitsua izan daitekeen informazioa ematea da.

Ermuko kirol klubetan parte hartzen duten haur, kadete eta gazteen mailako kirolariei, euren familiei, entrenatzaileei eta klubetako ordezkariei zuzendutako saioak izango dira. Guztira ordu eta erdiko bost formakuntza tailer eskainiko dira Lobiano Kultur Gunean maiatzaren 6tik 27ra bitartean, eta txanda bakoitzak helburu ezberdinak izango ditu.

Nerabeen kasuan, substantzia- eta jokabide-adikzioen arriskuei buruzko sentsibilizazioa landuko dira, baita kirol-munduari lotutako beste mendekotasun batzuen arriskuak eta autozainketarako tresnak ere. Familiei, entrenatzaileei eta ordezkariei zuzendutako lan-saioan, aldiz, kontsumoarekin lotutako arriskuei buruzko informazioa eta prestakuntza emango da, nork bere burua zaintzeko jokabideak sustatzeko
estrategiak, detekzio goiztiarrerako jarraibideak, baita familia/entrenatzaileak osasun-hezkuntzan duen prebentzio-zereginaren garrantzia indartu ere.

Saioen egutegia honakoa da:

Kategoria	Jaiotze-urtea	Data	Ordua
Haur neskak	2011-2012	Maiatzak 6	17:30-19:00
Haur mutilak	2011-2012	Maiatzak 8	18:30-20:00
Kadeteak	2009-2010	Maiatzak 13	17:30-19:00
Gazteak	2006-2007-2008	Maiatzak 15	17:30-19:00
Familiak, entrenatzaileak, ordezkariak		Maiatzak 27	17:30-19:00

Kirolari gazteen artean adikzioak prebenitzeko formakuntza saioak

Irudiak

Lotutako albisteak