Krema eta bela naturalen ikastaroan izena emateko azken plazak eta egunak

Udal Kultura Sailak zabalik du oraindik krema hidratatzaileak eta kandela naturalak egiten ikasteko ikastaroan izena emateko epea. 3 orduko ikastaro bat izango da azaroaren 27an (astelehena) eta abenduaren 11n (astelehena), 18:00etatik 19:30era gauzatuko dena Lobiano Kulturgunean.

Izen-emateak 15 euroko prezioa du oro har, 13,50 eurora arte murriztuta dagoelarik ikasle, jubilatu, langabetu (Lanbideko txartela aurkeztu beharko) eta gazteentzat (Gazte Txartela aurkeztu beharko). Materialak matrikularen barne daude eta parte-hartzaile bakoitzak egiten dituen produktuak eramango ditu etxera.

Plazak mugatuak dira eta gutxienez 8 pertsona interesatu behar dira taldea osatu eta tailerra egiteko. Taldean gehienez 12 parte-hartzaile hartuko dira. Parte hartzeko garaiz zaude, toki gutxi batzuk libre daudelako momentuz. Anima zaitez!