Kuba eta Kataluniatik etorritako teknikariek Izarra Centre eta sustapen arloko estrategia ezagutu dituzte

18.04.24
Erakundea
Ekonomi Sustapena
Habanako Historialariaren Bulegoko eta 'Redessa' udal-enpresako langileek lan-bilerak egin dituzte

Izarra Centre udal-eraikina, Ekonomia Sustapenaren Arloa kudeatzen duena, azpiegitura estrategikoa da, 2.0 eta 3.0 sektore aurreratuetan enplegua sortzeko eta talentua erakartzeko aukerak bilatzen eta ematen ditu; lehiakortasuna sustatuz, kalitatea eta etorkizuna izanik oinarri eta jomuga. Erakarpen-polo da; erreferente bat. Izarrak zerbitzu ugari eskaintzen ditu, besteak beste, enpresa-inkubagailua, teknoteka, "IoT Basque Izarra Lab" lehen laborategi fisiko eta erakuslea, Gravitatea proiektuaren instalazioak, edo zuntzezko udal-sare ultralasterraren gune nagusi edo bihotza.

Duela gutxi, bere idiosinkrasiari eta funtzionamenduari buruzko xehetasunak ezagutzeko interesa izan duten bi erakunderen bisita jaso du. Lehenengoa Oficina del Historiador de La Habana (Kuba) izan da, 1938an sortutako udal-erakunde autonomoa, gaur egun Lombillo Jauregian dagoena, Katedralaren Plazan. Hiriko Zentro Historikoaren zaharberritze integralerako autoritate gorena da eta gaur egun Eusebio Leal Spengler doktoreak zuzentzen du. Tecnaliaren eskutik etorritako bulego horretako pertsona talde bat Rosalia Herrera zuzendari nagusiarekin eta Josu Ansola arloko zuzendariarekin bildu zen duela egun batzuk, Ermuan jarraitzen ari den berrikuntza estrategia ezagutzeko.

Era berean, Reuseko garapen ekonomikorako udal-enpresako talde batek, 'Redessa' izenekoak, eraikina ezagutu du, bertan dagoena eta bertan eskaintzen diren gauza guztien berri jasotzeko asmoz. Bisita eta lan-saio horretan, Juan Carlos Abascal alkateak parte hartu zuen.

Lotutako albisteak

Imagen
23.05.24
Enplegua; talentua erakartzeko edo ezagutza transferitzeko moduei buruzko hausnarketak

Ermuko TalenTIC 2024 jardunaldiek gai horiek eta gehiago hizpide izango dituzte ekainaren 12 eta 13an, Izarra Centren
Imagen
23.05.24
Euskaraz errotulatzen duten negozioetarako dirulaguntzak

Errotuluak euskaraz jartzeak kostuaren %50eko dirulaguntza izango du, gehienez 360€, eta elebitan egiteak %30, gehienez 180€
Imagen
22.05.24
Haurren Kontseiluak 2023/2024 edizioari amaiera eman dio

Gaurkoan 14 neska-mutilek landutakoa aurkeztu dute, ikasturteko azken saioan