Lagun artean skate egiten ikasi nahi duzu?

Ermuko Udalak, Gazteria Zerbitzuaren eta Ermua Kirolak alorren eskutik, 2009 eta 2012 urteen artean jaiotako gazteentzako skate ikastaroa antolatu du. Jarduera otsailaren 8, 15 eta 22an izango da, larunbatetan, 16:30etatik 18:00etara, Aritzmendi pilotalekuan.

Errealitate birtualeko jokoen "Virtual Bilbao" ihes-gelara txango dibertigarria egin ostean, Ermuko Gazteria Zerbitzuak ekimen berri hau antolatu du, herriko gazteek modu ezin hobean elkar ezagut dezaten eta ondo pasa dezaten kirol desberdin eta dibertigarri hau egiten duten bitartean.

Jarduera doakoa da, eta ez dago materiala ekarri beharrik; skateak tailerrean bertan utziko dira. Gomendagarria da arropa erosoa eta zapatilak eramatea, frontoian trikimailuak egiten ikasteko prestatuko diren moduluez gozatu ahal izateko.

Ikastaroak 20 plaza ditu, eta parte hartu nahi dutenek otsailaren 4a baino lehen eman beharko dute izena udal liburutegian edo online galdetegi honen bidez. Izen-emateek eskainitako plaza kopurua gainditzen badute, zozketa bidez esleituko dira tokiak eta lehentasuna izango dute Ermuan erroldatutakoek.

Onartutakoen zerrenda otsailaren 5ean argitaratuko da webguneko iragarki-taulan, eta e-mail bat bidaliko zaie izena eman duten pertsona guztiei.

Edozein zalantza argitzeko, jar zaitez harremanetan Gazteria Zerbitzuarekin 689 04 25 71 telefonoan edo gazteria@udalermua.net helbidean.