‘Macho grita’, musikal gogoetatsu eta dibertigarria

Alberto San Juan aktoreak ‘Macho grita’ antzezlana aurkeztuko du Ermua Antzokian, datorren ostiralean, 20:30ean. Sarrerak 12 €balio du eta aldez aurretik eros dezakegu Lobiano Kulturgunean, online Kutxabanken webgunean eta bere kutxazain-sarean, edo leihatilan emanaldia hasi arte. ‘Macho grita’ umorez beteriko musikala da, Alberto San Juanek idatzi eta zuzendua, berak antzezpenean ere parte hartzen duelarik.

Autore eta aktorearen hitzetan, “Macho grita’ obrak gure orainaren eta 1492. urtean inauguratu zen zikloaren arteko harremana aztertzen du. "Errekonkistara", "Amerikaren aurkikuntzara" edo juduak eta moriskoak kanporatzera hurbiltzea, lurralde horretan "arra"ren izaera nola eraikitzen den umorez pentsatzeko. Espainiaren historia ikusezinera (edo ikusezinera) begiratzeko desiotik sortzen da, gaur egun bizitzarako balio duten gauzak ulertzeko itxaropen txikiarekin, gure gizarteak eraiki ditugun menderatze-nahiak eta harrapari-grinak gu akabatzeko mehatxua egiten dutenean”.

Antzezpenean partehartzen dute: Alberto San Juan berak eta Claudio de Casas (gitarra), Pablo Navarro (kontrabaxua), Gabriel Marijuan (bateria) eta Miguel Malla (saxoa eta teklatuak) musikariek.