Mankomunitateak amaitutzat eman du edukiontzi marroiaren txartel berria banatzeko kanpaina

Debabarrenako Mankomunitateak amaitutzat eman du edukiontzi marroia ixteko eta, ondorioz, hondakin organikoak uzteko txartel berria banatzeko kanpaina. Edukiontzi marroiaren itxierak duen helburua mota horretako hondakinen birziklatze selektiboaren ehunekoa hobetzea eta ingurumena eta natura babesteko konpromiso kolektiboa indartzea dira. Debabarrenak dibulgazio-kanpaina bati ekin zion duela aste batzuk, txartel marroiaren itxiera eta erabilera eskualdeko udalerri guztietan nahitaez ezarri aurretik, bai eta txartelaren banaketa ere.

Kanpaina horren baitan, jardunaldiak antolatu zituen eta informazio-puntuk jarri zituen, sistemaren funtzionamendua herritarrei azaltzeko. Ondoren, herri bakoitzean txartel berria jasotzeko lekuak jarri zituen, errazago banatzeko eta erabiltzeko. Hala ere, txartel hainbat ez da jaso, eta ez da banatzerik izan. Hori dela eta, Debabarreneko Mankomunitateak jaso gabe dauden txartelak etxebizitzetara bidaltzea erabaki du. Bidalketak ziurtatuko du etxebizitza guztiek txartel marroia izango dutela, eta, beraz, organikoaren edukiontziak behar bezala erabili aitzakiarik ez dela egongo, ez eta  poltsak edukiontzitik kanpo uzteko ere.

Mankomunitateak herritarren inplikazioa eta ahalegina eskertu du, "Birziklatzea garbi jokatzea da. Erabili txartel marroia" kanpainaren baitan, eskualdeak ingurumena babesteko duen konpromisoa indartzen duelako. Debabarrenak edukiontzi marroiaren erabilera intentsiboagoa egitera animatzen gaitu, hondakinen gaikako bilketa optimizatzen lagunduko eta gure bizi-kalitatea hobetuko duelako, jardunbide arduratsu eta eraginkorragoan. Hondakin organikoetarako edukiontzi marroiak itxita daude, eta txartel berria erabiliz bakarrik ireki daitezke. Horrela, bilketa eraginkorragoa eta kontrolatuagoa izango da.