Miguel de Unamuno Gizarte-etxea bihar berrirekiko da, konponketak egin ondoren

Hiri eta Zerbitzu Arloak iragarri duenez, bihar, asteazkena, irekiko dute berriro San Lorenzo auzoko "Miguel de Unamuno" Gizarte-etxea, joan den urtarrilaren azken astean bandalismoz kaltetutako elementuak konpontzeko lanak egin ondoren.

Konponketek 5.900 euro inguruko kostua izan dute, eta udal langileek egin dituzte ia guztiak. Instalazioa itxita egon da joan den urtarrilaren 27tik, bezperan ekintza bandalikoak zirela-eta eragindako kalteen aurrean.

Honako lan hauek egin dira:

• Komunetan kaltetutako zurezko arotzeria ordeztea
• Sabai desmuntagarriko plakak, kolpatuak eta hautsiak, berriz jartzea.
• Kolpatutako jolas-eremuko luminariak eta kaskar zeuden beste batzuk ordeztea.
• Komunen guneko baldosak konpontzea.
• Instalazio osoa garbitzea.
• Halaber, laster udal inbentariotik berreskuratutako piknik mahai bat jarriko da.

Rosa Maria Cid Zerbitzu zinegotziak "ondare publikoa zaintzeko eta antzeko ekintza bandalikorik berriro ez egiteko" deia egin du. Ondare hori "gurea da, herriko pertsona guztiona, gure erabilera eta gozamenerako. Gutxi batzuen gehiegikeriak eragotzi du azken lau aste hauetan erabili ahal izatea".