Mugikortasun urriko pertsonek aparkatzeko txartelen erabilerari buruzko kanpaina

Ermuko Udaltzaingoa kanpaina berezia garatzen ari da, mugikortasun urriko pertsonentzat erreserbatutako guneetan aparkatzeko diren txartelen erabilera zuzena dela bermatzeko. Kontrol-kanpainaren helburua kolektiboaren eskubideak errespetatzen direla bermatzea da, eta mugikortasun-arazoak dituzten pertsonentzat gordetako plazak soilik benetan behar dituztenek erabiltzen dituztela ziurtatzea.

Kanpainaren baitan agenteek 9 txartel erretiratu dituzte hainbat irregulartasunengatik azken lau asteetan eta horien erabilera arautzen duen martxoaren 22ko 50/2016 Dekretua urratzeagatik. Erretiratutako txartelen kasuistika zabala da; kasu batzuetan, titular onuraduna zendu izan delako, eta, beste hainbatean, hirugarren pertsonek iruzurra egin eta txartel horiek behar ez bezala erabili dituztelako.

Ermuko alkate Beatriz Gámizek adierazi duenez, "kanpainak mugikortasun murriztua duten pertsonekin hartutako konpromiso agertzen du, pertsona horiek inolako oztoporik gabe mugitzeko duten eskubidea bermatzeko. Txartel horiek behar ez bezala edo erabiltzea benetan behar dituzten pertsonekiko errespetu falta da".

Udalak gogorarazten du txartel horiek behar bezala erabiltzea ez dela aukerakoa, baizik legezko betekizuna. Horregatik, Udaltzaingoa ausazko kontrolak egiten ari da txartelen baliozkotasuna, titulartasuna eta iraungi gabe daudela egiaztatzeko. Araudia betetzen ez den kasuetan, agenteek txartela erretiratu eta zehapena jartzen dute.

Kontrol-kanpainak, mugikortasun murriztua duten pertsonentzako baliabide publikoak modu zuzen eta egokian erabil daitezela du xede.