Odola emateko aukera izango dugu gaur

23.04.25

Abisuak eta matxurak

Gizartea

Autobusa Bizkaiko Etorbidean izango da bederatziak eta laurdenetatik ordu 2etara eta lau eta erdietatik iluntzeko bederatzietara bitartean

Odol-emaileen Elkarteak odola emateko saio berria antolatu du. Apirilak 23ko asteazken honetan aukera izango dugu goizeko nahiz arratseko orduetan.bAutobusa Bizkaiko Etorbidean kokatuko da, goizez bederatziak eta laurdenetatik ordu 2etara eta arratsaldez lau eta erdietatik iluntzeko bederatzietara bitartean.

Herriko odol-emaileak jakinaren gainean daude jada, deialdi bakoitzeko SMS eta e-posta bidezko mezuak jasotzen baitituzte.

Gaur egun, odola ematea da modu bakarra gure osasun-sistemak ondo funtzionatzeko beharrezkoak diren odol-osagaiak lortzeko (hematiak, plaketak eta plasma).

Hurrengo txandak kontsultatzeko, ikus elkartearen webgunea.

Odola emateko aukera izango dugu gaur

Lotutako albisteak