Ongarai Eskolako ikasleek Euskadiko emakumeen lana ikusgai jarri dute

14.03.23

Hezkuntza

Erakundea

Egindako lana udaletxeko sarreran dago ikusgai

Ongarai Eskolako Lehen Hezkuntzako Bigarren Mailako haurrak Udaletxeko Osoko Bilkuren Aretoan izan dira martxoaren 8an, gure inguruko emakumeei balioa emateko eta ikusarazteko egin duten lana aurkezteko.

Ikasleek Juan Carlos Abascal alkateari eta Beatriz Gamiz zinegotziari entregatu diete beren lana. Euskadiko emakume kirolariak, artistak, zientzialariak eta ekintzaileak erakusten dituzten fitxak dira, tartean Juanita Ibaibarriaga ermuarra.

Ongarai Eskolako haurrek egindako hogei fitxa baino gehiago ikusgai daude orain udaletxeko hallean. Udalaren ohiko ordutegia 08:00etatik 15:00etara da, ikasleen obrak ikusi nahi dituztenentzat.