"Planeta berria", IV. Komiki Lehiaketako garailea

Guztira 17 lan aurkeztu dira Ermuko Udalak liburutegiaren bitartez antolatu duen haur eta gazteentzako komiki lehiaketaren laugarren ediziora.

Kike Infame eta Martin Azpilikueta komiki adituek eta liburutegiko langileek osatu dute epaimahaia. Guztien artean erabaki dute Planeta berria dela haurren kategoriako lanik onena, Ongarai Eskolako Lehen Hezkuntzako 5. mailako Nora Caro ikasleak egina.

Epaimahaiak lan horren irudimena nabarmendu du, baita komikiaren baliabideak erabiltzeko gaitasuna ere, hala nola, narrazioa, plano-aldaketak, orri-konposizioa eta marrazketa.

Istorioko protagonistak oso modu grafikoan erakusten ditu bere umore-aldaketak, eta egileak ondo deskribatzen ditu espazioak eta planoak erabiltzen ditu istorioa behar bezala azaltzeko, testura oso modu erabakitzailean jo gabe.

Saria irabazlearentzako marrazki-materiala eta ikasketak egiten dituen ikastetxearentzako komiki sorta bat dira.

Beatriz Gamiz Hezkuntza, Kultura eta Gazteria Saileko zinegotziak banatu ditu bi sariak gaur goizean Ongarai Eskolan, ekitaldi xume batean.

Bestalde, gazteen kategoriako saria eman gabe geratu da.

Haur eta gazteentzako komiki lehiaketa Lehen Hezkuntzako 5. mailako, Bigarren Hezkuntzako 4. mailako eta Ermua--Mallabia OLHUIn ikasten ari diren hiru espezialitateetako 1. mailako ikasleei zuzenduta dago. Horiek guztiek otsailean eta martxoan Martin Azpilikueta Arte Ederretan graduatu eta komikigintzan adituak herriko ikastetxeetan emandako komiki ilustrazio tailerretan parte hartu dute. Jarduera hori Udal liburutegiak hamar urtez antolatu duen komikien irakurketa sustatzeko urteko kanpainaren barruan dago.