Saharar herriarentzako elikagaien bilketa

Rio de Oro GKEak Karabana Solidarioa 2024 kanpaina hasi du, saharar errefuxiatuentzako elikagaiak bildu eta bidaltzeko. Ermuko Udala erakunde honen jarduerarekin elkarlanean ari da, Saharar Herriari Laguntzeko Urteko Programaren barruan.

Ekimena urtarrilaren 31ra arte, asteazkena, garatuko da, eta herritarrek parte hartzeko hainbat bide izango dituzte. Alde batetik, Durangaldeko ikastetxe eta supermerkatuetan elikagaiak bilduko dira. Izan ere, ematen den arroz edo lekale kilo bakoitza elikagai bat baino zerbait gehiago da, itxaropena, senidetzea, elkartasuna, indarra ere bada 45 urte baino gehiago errefuxiatuta daramatzan eta Marokorekin izandako gerraren, inflazioaren eta osasun-krisiaren ondorioz egoera larriagotu zaion herri batentzat.

Saharako gobernuarekin koordinatuta, honako produktu hauek biltzea erabaki da:

• Arroza
• Pasta
• Lekaleak
• Atun latak
• Oliba olioa
• Sardina latak
• Konpresak

Bestalde, Bizum edo banku-transferentzia bidezko dohaintzen bidez ere lagundu ahal izango da kanpainarekin, eta horiek errefuxiatuentzako elikagaiak erosteko erabiliko dira. Dohaintzak hiru motatan edo kopurutan sailkatzen dira:

Bizum bidez dohaintza bat egiteko, sartu aplikazioan, hautatu Egin dohaintza aukera eta bilatu Rio de Oro GKEa 01955 kodearekin. Banku-transferentzia bat aukeratuz gero, erakundeak Laboral Kutxan duen kontu-zenbakia ES90 3035 0129 11 1290034483 da.

Kanpaina amaitzean, Rio de Orok trailer handi bat bidaliko du Tindufeko errefuxiatu-esparruetara, laguntza humanitarioko tonekin, inflazioak eta gerrak ezinezko egiten baitute familia saharar askok oinarrizko produktu jakin batzuk erostea.