‘Sugandil Bihurriak’ jolasak eta ‘Hazigabeak’ playback lehiaketa irabazi dituzte

Txarangen Batzordeak astearte honetan banatu ditu kuadrillen jolasetako eta 2024ko playback lehiaketako sariak. Playbackak goizaldean bukatu zen eta edizioari amaiera emanez, horren ondoren sailkapen orokorra ezagutzera eman eta sari-banaketa eginez.

Sailkapen nagusia honakoa izan da: lehen sailkatua "Sugandil Bihurriak"; bigarrena "Hazigabeak" eta hirugarrena "Burusoilak". "Gazta eta Bacon" koadrilak garaikurra jaso zuen "kuboen" proba irabazteagatik.

Playback lehiaketari dagokionez, esan behar beste behin ere edizio landu batez gozatu ahal izan genuela, non parte hartu zuten hamar txarangek originaltasuna eta lana erakutsi zuten, baita entsegu-orduak sartu izana ere ikuslez betetako Orbe Kardinalaren plaza baten aurrean. Askotariko gaiak eta imitazioak izan ziren, eszenaratze onekin eta egokitzapen originalekin. Barietate horren barruan, epaimahaiaren erabakia honako hau izan zen: lehen postua "Hazigabeak" taldearentzat, "Tu cara me suena" proposamenarekin; bigarren postua "Dirugabeak" taldearentzat, "Iker eta sorginen ametsa" lanaren koreografiarekin; eta hirugarrena "Berdingabeak" taldearentzat, "Eurofest" muntaiarekin.

Aukeraketa ez zen erraza izan, ikusitako guztia aintzat hartzea merezi zuelako, baina oinarriak horietako hiru saritzea aurreikusten du, eta hori izan zen epaimahaiaren erabakia. Datorren urtean gehiago.

Azpian emanaldi batzuen argazkiak uzten dizkizuegu.