'Tour Eguna' hartuko du Ermuak igandean

Frantziako ‘Tourra' uztailaren 1etik 23ra jokatuko da aurten. Itzuli handietako lasterketa nagusia aurten Euskadi izango du abiapuntu. Gure lurraldeak bere lehen hiru etapak hartuko ditu: lehena Bilbo-Bilbo, 182 kilometrokoa; bigarrena Gasteiz-Donostia izango da., 209 kilometrokoa, eta, hirugarrena, Amorebieta/Etxano-Baiona, 185 kilometrokoa. Klasiko handiaren etorrera eta gure lurraldetik igarotzea gertaera historikoa da. Horregatik, mimo handiz prestatzen ari da. Mailloten karabana ere Ermutik igaroko da.

Zinta mozteko eta lasterketari hasiera emateko hilabete eskas geratzen denean, ekitaldiak eta ospakizunak antolatzen dira herrietan, herritarrei informazioa emateko, interesa pizteko eta bi gurpilen probaren bidez parte hartzea bultzatzeko. Ermuan, datorren igandean -ekainaren 4an-, Tour Eguna 'izeneko txirrindularitza lasterketaren aurkezpen eta hurbiltze eguna izango da. Bizkaiko Foru Aldundiak antolatu du, gure udalaren laguntzarekin.

Ekitaldia San Pelaio parkean izango da ugandean, goizeko 10:30etatik arratsaldeko 14:30etara. Jarduera parte-hartzaileak egongo dira zaleentzat (Ginkana, tailer mekanikoa, hezkuntza tailerra, arrabol birtualak, bizikletaren doikuntza teknikoak, Tour museoa eta denda (merchandisingeko produktuak). Jardunaldi horretan Ermuko Txirrindularitza Eskola eta Pedro Horrillo, Igor Astarloa, Aitor Hernandez eta Aitor Galdos profesionalengana iritsi diren bertako txirrindulariak omenduko dira.

Laburbilduz, bizikletaren festa handiaren aurrerapen bat, ahoa egiten joateko.