Udako zine emanaldiak kalean zortzi filma eskainiko dizkigu abuztuko gauetan

Ermuak udako zine eskaintza erakargarria izango du abuztuan honetan ere. Udal kultura sailak zortzi proiekzio programatu ditu, genero, adin eta gustu guztietako titulu berriak edo estreinuak proposatuz. Kalean, aire zabalean eta doan gozatu ahal izango ditugun proiekzioak. Adin guztietarako egokiak diren proiekzioak, gaztelaniazko eta euskarazko tituluekin.

Astean bi egunetan –astelehena eta asteazkena– saioak izango ditugu hileko lau asteetan, Orbe Kardinalaren plazan, gaueko 10etatik aurrera, abuztuaren 14an ezik, jai egun baten bezpera delako. Euria egiten badu, Santiago parrokia-elizako arkupeetara eramango da saioa.

Pandemia osteko uda honetako gauetarako eskaintza zabala izango da, eta normaltasuna berreskuratzen ari gara. Proiekzioak libreak eta edukiera mugarik gabekoak izango dira, Covid-19aren pandemiaren aurretik izan ohi ziren bezala.

Kontratatutako tituluak eta erakusketa-datak honako hauek dira:

Abuztuak 2: Top Gun: Maverick
Abuztuak 7: Minions: el origen del Gru
Abuztuak 9: Coda. Los sonidos del silencio
Abuztuak 16: DC Supermaskoten Liga
Abuztuak 21: Jurassic World Dominio
Abuztuak 23: Competencia oficial
Abuztuak 28: Black is Beltza II: Ainhoa
Abuztuak 30: El cuarto pasajero