XXXVI. Merino memorial asteburuan gauzatuko da

Ermuko Gaztela eta Leon Kultur Etxeko atletismo taldeak Jose Merinoren omenezko lasterketa herrikoia antolatu du aurten ere. Probaren hogeita hamaseigarren edizioa datorren larunbatean, irailak 28an jokatuko da, arratsaldeko 18:00etatik aurrera senior mailakoentzat. Izena emateko epea zabalik dago eta senior orokorrak 10 euro ordaindu beharko ditu. Izena emateko epea 2024ko irailaren 27an, ostirala, amaituko da, 22:00etan, edo dauden plaza kopurua betetzen denean. Aurten beheragoko kategorietako probak ere izango dira: 8 urtez azpikoak, 10 urtez azpikoak, 12 urtez azpikoak eta 14 urtez azpikoak. Aurten sariak kategoria edo talde bakoitzeko sailkapen orokorreko lehenengo 3 pertsonentzat izango dira.

Proba honetan parte hartu ahal izateko, aldez aurretik izena eman behar da www.kirolprobak.com atarian, irailaren 27ko 22:00ak baino lehen. 16 urtetik beherako kategorietarako izen-ematea herriko Gaztela-Leongo Zentroan egingo da, dagokion proba baino 30 minutu lehenago. Zehetasunak ikus lasterketako araudian.

Senior mailako atletentzako ibilbideko lasterketak 10 kilometroko ibilbidea du eta 18:00etatik aurrera korrituko da. Lasterketak ibilgailuen trafikoari eragingo dio proba eguneko arratsaldean. Zirkuitua igarotzen den garajeak dituzten higiezinek informazio-orri bat jaso dute.

Probaren ondoren, memorialean parte hartzen duten guztiek doan erabili ahal izango dituzte Aritzmendi pilotalekuko dutxak.