Zozketa elektroniko bidez hautatu dira Maiatzaren 28ko hauteskunde-mahaiak osatuko dituzten pertsonak

Hautaketa aplikazio informatiko baten bidez burutu da. Aplikazio horrek era aleatorioan eta anonimoan egiten du hautaketa Ermuko hautesle-erroldan inskribaturik daudenen artean. Zozketa gaur goizean egindako Osoko bilkuran egin da eta zuzenean eskaini dugu, datu pertsonalak erakutsi gabe. Izendapenak prest daude eta jakinarazpena banatzen hasiko zaie interesatuei gaurtik aurrera.

Izendapenaren aurrean alegazioak aurkez ditzaket?

Izendatuak izan diren pertsonek jakinarazpena jasotzen dutenetik zazpi egunetako epea dute Durangaldeko Hauteskunde Batzordeari kargu hori onartzeko oztopatzen dieten zioak eta dokumentazioa aurkezteko. Durangaldeko Hauteskunde Batzordeak bost egunetan behin-betiko erabakia hartzen du.

Oraingo honetan, alegazioak egiteko bi aukera izango ditugu, lehenengoa Durangaldeko Hauteskunde Batzordera bertara joatea eta, bestea, alegazioa bide telematikoz aurkeztea.

Bertaratzeko helbide eta ordutegiaren datuak

• Helbidea: Ezkurdi plaza z/g (Guardiako epaitegia)
• Telefonoa: 946030060
• Alegazioetarako ordutegia:
  • Astelehenetik ostiralera: 15:30etik 19:00etara
  • Larunbatak: 10:00etatik 13:00etara

Modu telematikoa:

• Alegazio-idazkia posta elektroniko honetara bidali: alegacionesdurango@yahoo.com.
• Web-orriaren bidez: https://www.mesaselectorales.es/web-excusas-form. Horretarako, beharrezkoa da NAN elektronikoa, cl@ve gakoa, ziurtagiri digitala eta abar izatea.

Alegazio guztiak derrigorrez erantsi behar dute:

• Mahaian egioteko izendapenaren fotokopia
• NANaren fotokopia
• Alegatzeko justifikazioa egiaztatzen duen agiriaren kopia (65 urte baino gehiago, ezintasun-egoera, laneko baja, gaixotasuna, programatutako bidaiak, laneko arrazoiak, etab.)