Gazteria

Gazteak komunitatearen orainaren eta etorkizunaren protagonista aktibo izango diren ingurunea bultzatzea. Gazteei garapen pertsonal, sozial eta kulturalean laguntzen diegu, eta haien interesei eta beharrei erantzungo dieten topaguneak, informazio-baliabideak eta aisialdiko, prestakuntzako eta partaidetzako programak eskaintzen ditugu. Gure konpromisoa da haiekin batera hiri ireki, sortzaile, inklusibo eta parte-hartzailea eraikitzea, gazte bakoitzak bere ahalmen guztia zabal dezan. 

• Aisialdiko eta denbora libreko espazio eta jarduera osasungarriak eta seguruak sustatzea, udalerriko gazteen artean gizarte-dinamizazioa eta bizikidetza positiboa bultzatzeko, sormena, autonomia eta osasun integrala sustatuz
• Gazteek tokiko bizitzako eremu guztietan aktiboki parte har dezaten sustatzea, prozesu komunitarioetan eta udal-erabakietan parte har dezaten bultzatuz
• Gazteen emantzipazioa lagunduko duten baliabideei buruzko informazio argia, eguneratua eta erabilgarria eskaintzea: hezkuntza, enplegua, etxebizitza, prestakuntza, mugikortasuna, genero-berdintasuna, kultura, etab. 
• Gazteen eta administrazioaren arteko zubi-lana egitea, komunikazioa, zerbitzuetarako sarbidea eta haien ordezkaritza erraztuz

Gaztegune (13-17 urte)

• Gazteen topaketa eta aisialdirako gunea, jolas, ikus-entzunezko eta interakzio autonomoko jarduerekin; eta langile espezializatuek dinamizatutako talde-jarduerak

Urteko programazioa

• Aisialdi eta denbora libreko ikastaro, tailer eta txangoak, ariketa fsikoa eta kirola, eta sormena eta kultura
• Azpimarratzeko moduko egitaraua: Uda Gazte Jolasak gazteen udalekuak eta urte amaierako txangoa

Gazte Informazio Zerbitzua (garatzen)

• Bekei eta prestakuntzari buruzko informazioa eta baliabideak: hizkuntzak, etxebizitza eta enplegua, gazteen kultura-bonua eta mugikortasuna, osasuna, genero-berdintasuna eta parte-hartzea

Gazteen partaidetza

• Gazteriaren Udal Kontseilua sortzea, udalarekin harremantzeko gune gisa
• Tokiko gazte-ekimenei laguntzea