Santa Zeziliaren jaialdia gaur egingo da

Alboka Musika Eskolak, Pispillu abesbatzak eta, Gure Ametsa eta Txindurri dantza eta txistu taldeek Santa Zeziliaren omenezko jaialdia ospatuko dute gaur gaueko 10etan, Santiago Apostoluaren elizan. Jaialdirako sarrera librea eta doan da, nahi duen guztiarentzat. Urtero ospatzen den jaialdi horretan, kantu, musika eta dantza uztartuko dira, talde antolatzaile horien partaideen eskutik.

Egutegiaren arabera, Santa Zezilia datorren asteazkenean izango da, azaroaren 22an, baina asteko lan eguna denez, zertxobait aurreratu egin da.