Iparragirrera igotzeko eskailera mekanikoak

Olabarri S.Mak aste honetan hasiera eman die Orbe plaza eta Iparragirre kalea eta Santa Ana auzoa mekanikoki lotzeko egiten ari den instalazioaren hirugarren tarteko obrei. Hirugarren tarte hori Iparragirreren beheko aldean hasi eta ‘Buenos Aires tabernaren eta Eskolabarri ikastetxearen eskailbururaino doa. Enpresak hondeaketa-lanekin hasi da, hiri-altzariak, barandak, farolak eta eskailerak erretiratu ondoren. Hori horrela, pertsonentzat pasabidea itxi egin da eta ordezko bide moduan, alboan dauden eskaileretatik zertxobait desbideratuz joan behar da bertara.

Hondeaketa-lanak amaitu eta gero, aipatu enpresa esleipendunak ‘u’ letraren antzeko hormigoizko ontzi bat eta pezoi bi prestatuko ditu, non eskailera mekanikoak eta horien makineria jarriko diren. Hirugarren tarte honetan eta laugarrenean baita ere erabiliko den mekanismoa eskailerak izango dira, lehen eta bigarrenean ez bezala, horietan Ongaraira igotzekoen moduan arrapalak jarri baitira. Laugarren tarte hori, aipatu eskailburutik ‘La Cabaña’ tabernara daraman zebra-bide joango da, jada Santa Ana auzoaren atarian. Laugarren tarteko fase hori hirugarrena bukatutakoan egingo da, goitik, ikastetxera sarbidea ez ixteko.