The Campbell Brothers, aingeruen musika

Gospel musikako emanaldi gogoangarria eskaini zuten bart Ermuan “The Campbell Brothers” taldeak. Mota horretako talde bat ekartzeak ikusmin handia piztu zuen herrian, haiek entzuteko egunean plazan bildutako jendetza ugaria izanik. Seikote estatubatuarra buru-belarri sartu zen emanaldian, piezarik onenekin ekinez ikusleen oniritzia bereganatzeko asmoz. Eta lortu zuen, bai horixe! Gaua freskoa zen arren, bizitako giroa ezin hobe etab enetan lasaia. Musikariek entseguan baleude bezala, kaleko arropekin jo zuten, naturaltasun osoz.

Taldea musikari bikainez osatuta dagoela eta egiten dutena oso gustukoa dutela ageria eta argi geratu zen. Kantaria ere ez zen gutxiago izan, eta ahots aparta zuela erakusteaz gain, geldirik egon ezina dela erakutsi baitzigun Besnin Braownek. Gospel deritzanaren etiketari jarraiki. hainbatek kantari gehiago egongo zirela uste zuen, filmetan ikusten dugunaren arabera. Nolanahi ere, ahots zoragarri bakar eta partikular batek plaza osoa betetzeko gauza izan zen. Bukaeran, bertaratutako guztiek ikusi eta entzundakoarekin pozarren bueltatu ginen etxera, The Campbell Borthers esk ikuskizun aparta eskaini zigutelako.