Inoiz baino establezimendu gehiagok hartuko dute parte herriko pintxo txapelketan

15.06.09

Gizartea

Ostalaritzako hogeita bat establezimenduk hartuko dute parte herriko zazpigarren pintxo txapelketan. Aurtengo parte hartzaileen kopuruak errekorra suposatzen du, iazkoan hogei izan baitziren izena eman zutenek. Kopuru horrek argi lagatzen du, ekimenak urtetik urtera interesa gora doala, bezeroen nahiz tabernarien artean. Pintxo txapelketa ekainaren 17tik 21era bitartean gauzatuko da. Izena ema duten guztiek ilusioz egin dute, aurkezten dituzten proposamenak lehen saria lortuko dutenaren esperantzaz, edo gutxienez, jendearen saria.

Txapelketa hau urtero antolatzen du Lobiano Gastronomi Elkarteak. Eta ikusten denez, ikusmin handia pizten du. Aurtengoan, epaimahaia ondorengo kideek osatuko dute, Ondarroako Cantabrico tabernatik datorren Pantxo Bedialaunetak, Patxi Marina Martinez Marina eta Lobiano elkarteko kide bat. Patxo Bedialaunetak ‘Urrezko Arzak’ saria jaso zuen, Munduko Pintxoen Txapelketan. Patxi Marina Pastor del Gorbea jatetxeko sukaldaria da eta ''Vegetariano todo el año’ liburuaren idazleetariko kidea. Epaimahaia establezimendu guztietatik pasako da ekainaren 18ko arratsaldean. Bezeroek txapelketara aurkeztutako pintxoak dastatu ahal izango dituzte ekainaren 17tik 21era bitartean, biak barne. Pintxoak 1,10 €urotan salduko dira.

Goi mailako sukaldaritza miniaturan

Txapelketan parte hartuko duten establezimenduen zerrenda eta bakoitzak aurkeztuko duen pintxo proposamena eta horren ezaugarriak ondorengo taulan eskaintzen dizuegu:

2009ko txapelketara aurkeztutako proposamenak
Zk	Establezimendua	Pintxoaren izena	Osagaiak
1	Sirimiri	Velero de mar	Otarrainska, itsaso-zapoa, piperra, legatza eta kabiarra
2	Txalaparta	Magret	Magreta, kipula karameldua eta foie gras saltsa
3	Giroa kafetegia	Cuculus	Piperra, perretxikoak eta paparra
4	Cafetería Zutabe	Calbaque	Bakailao eta gazta
5	BeerStation	Capricho ibérico	Luma iberikoa, ahuntz erruloa eta pasta-prima
6	Irulitxa kafetegia	Montadito marino	Entsaladilla errusiarra, karramarroa eta otarrainska
7	Jai kafetegia	Xtreme	Surimi, gulak, txangurrua eta porrua
8	Xagua kafetegia	Flan vegetal	Esnea, arraultza eta barazkiak
9	Titanic	El corazón de la mar	Ogi txigortua, ahuntz gazta, sagarra, patea eta ahabiak
10	Herga	Herga III	Ahuntz gazta eta sagarra
11	Zurich kafetegia	Silvestre	Tomatea, piper gorri eta berdeak, hirugihar, txanpinoiak eta gazta
12	Hogar del jubilado/a	Delicias del monte	Txanpinoiak, urdaiazpiko ondua, gazta freskoa eta piperbeltza
13	Urkaregi	Ortzadar	Oilaskoa eta barazkiak
14	Kiska Pub	Eusko Tropikala	Anana, gazta eta antxoa
15	Burduntzi	Rape al estilo Pepe	Itsas-zapo eta txangurrua
16	Tribuna jatetxea	Pisto de Marisco	Itsaskia, olagarroa, pata eta porrua
17	Infreñu	Martintxo	Txerri solomoa, gazta urdina eta tomate lurrina
18	Cheers	Basa-kutsua	Boletus
19	Gas Station	Saludo motero	Hegaluzea, otarrainska eta modena ozpina
20	Zutik garagardotegia	Galeperra	Hirugiharra eta arraultza
21	Hanigan´s Irish Tavern	Perla de mar	Mendrezka, olagarroa eta saltsa gorria

Inoiz baino establezimendu gehiagok hartuko dute parte herriko pintxo txapelketan

Goi mailako sukaldaritza miniaturan

Lotutako albisteak