UKEk itxaron gunea egokitu du erabiltzaileentzat kiroldegiaren beheko aldean

Kiroldegiko erabiltzaileek sarreraren atzeko aldean itxaron gune berezia dute orain hilabete, non seme-alaba edo familia kideen zain eroso egon daitezkeen zain. Gunea jarlekuz, paperontziz eta irakurketarako aldizkariz osatzen da, zain egon beharreko denbora hori bete eta entreteniturik egon daitezen modu erosoan.

Laster bertan salmenta automatikoko makinak jarriko dira non edariak nahiz jatekoak atera ahal izango dituzte, zerbitzu hori eskaintzeko lehiaketa publikoa amaitu bezain pronto. Horrez gain, tamaina handiko telebista ere jarriko da hemendik gutxira, non igerileku aretoko irudiak ikusteko aukera izango duten, ikastaroetan dabiltzanen gora-beherak jarraituz ahal izateko.

Itxaron gune hori eraikinaren sarreran bertan kokatzeko erabakia hartu dute kiroldegiko teknikari eta arduradunek, beste hainbat aukera aztertu ondoren. Aukeratutako lekua erabiltzaileen segurtasuna bermatze aldera hartu da, gehienek adinez oso gazteak baitira. Salmenta automatikoen makinak jarrita, kiroldegiko erabiltzaileei zerbitzua eman nahi zaizkie, kafetegia hartzeko lehiaketara interesdunik aurkeztu ez eta hur itxi zenez geroztik, kirolariek ez baitute likidoak eta energiak berreskuratzeko modurik instalakuntzaren barne.

Makinek prezio oneko produktuak erosteko aukera emango diete kirolariei, likidoak eta energiak berreskura ditzaten

Makina horietan eskuratu ahal izango diren edariak lehiaketa publikorako prestatu diren baldintza-pleguetan jasotakoak dira eta, horien artean, azukrerik gabekoak, zukuak, irabiakiak, biofrutak, isotonikoak, ura, kafes, infusioak, esnea, txokolatea eta salda izango dira. Elikagaietan aldiz, mokadutxoa hartzeko, sandwichak, opilak, aperitifak, txokolatinak edo gailetak, besteak beste, erosteko aukera izango delarik.

Lehiaketan bildu diren baldintzen artean, aipatzekoa da produktu guzti horiek marka ezagunenak beharko dutela izan eta, horrez gain, esleipendunek ezin izango dute kiroldegiak markatu eta definitutako kopuru zehatz batzuen gainetiko preziorik jarri, erabiltzaile eta kontsumitzaile izan direnen mesedetan, erosgarriak izan daitezen.