Deituz arrankatzen duen kotxea eta argia egonez gero mugitzen den kopina

Bai ondo irakurri duzue, hala da. Horrelako eta antzerako gauzak prestatu dituzte ‘PictoCricket’ jardueran parte hartu duten 10 urtetik 13ra bitarteko neskato-mutikoek. Jarduera hori Toki Garapen eta udal Liburutegiak antolatzen dituzte elkarlanean. Jarduera horiek InnTegra proiektu europarraren baitan antolatzen dira, 8tik 16 bitarteko gazteek sormena lantzeko eta modu dibertigarrian teknologiari hurbiltzeko aukera izan dezaten.

PictoCriket plastikozko piezaz, motorrez, presio, argi eta soinu sentsorez gainezka datorren kutxa da, gaztetxoek arte eta teknologia uztartuz objetktuak sor ditzaten. Horretarako ordenagailu bat behar da, nahi diren urrutiko aginduak ematen baititu.

Azken tailerrean parte-hartzaileek izugarri gozatu zuten, etengabe programatuz eta egindako jostailuetan sentsore ezberdinak probatuz. Bi ordu eta gero eman ondoren, Inntegra proiektuko elastikoa jaso zuten opori gisa.

Ekainaren 3an tailer hauen beste saio bat antolatu da, kasu honetan 13 urtetik 16ra bitarteko gaztetxoentzat. Parte hartu eta robotak, kotxeak edo bestelakoak prestatzen ikasi nahi baduzu izena eman. Horretarako, dl@udalermua.net e-posta ontzira idatzi edo 943179151 telefonora deitu.