2010eko pintxorik onena aukeratzeko herri bozka zabalik

‘2010eko Pintxo’ lehiaketaren barne, proposamenik onena aukeratzeko herri bozka zabalik dago, zeina aurtengo Gastronomi Jardunaldien barne txertatzen da. Herriko ostalarien arteko pintxo lehiaketa gaur goizetik zabalik dago. Aurtengoan ere herritarrek pintxorik onena aukeratzeko bozka elektronikoa erabili ahal izango dute, udal web-gune honetaz baliatuz. Nolanahi ere, ohiko bidea eta papera erabili nahi dutenek ere aukera izango dute, larunbateko azokan Orbe plazan ontzi bat jarriko baita (ordubiak arte edalontzien saltokian). Herri bozka honetan parte hartzen duten pertsonen artean Merkatu Plazako Elkarteak emaniko produktuen lote bat zozketatuko da. Aurtengoan hogeitabost tabernak parte hartuko dute pintxo lehiaketan. Lehiaketan parte hartzen duten establezimenduak honako taulan agertzen dira.

2010eko lehiaketaren pintxoak

Zenbakia	Pintxoaren argazkia	Establecimiento	Pintxoaren izena	Osagaiak
1		O encontro	Mende Balde Begia	Bakailoa, txipiroi-tinta, piper berdea, patata, tipula eta berakatza
2		Hanigans	Zizafoie	Perretxikoa, foiea eta siropea
3		Cheers	Delicia ibérica	Oilaskoa, gazta eta hirugiar iberikoa
4		Irulitxa	Perla del Bosque	Piper berdea, txanpia, urdaiazpiko ondua eta arrautza egosia
5		Txalaparta	Mariñela	Kokotxak, gulak eta zamburiña
6		Sirimiri	Trainera	Kalabazina, bakailaoa, tipula eta sirimiri saltsa
7		Jubiletxe	Gezurti (mentiroso)	Pikiloa, tipula, modena eta gulak
8		Jai-Alai	Muskuilua	Muskuilua, gaztazko krema, txipiroia eta letxugak
9		Infreñu	Filitxo	Filo-orea, oilasko-izertxoak, mojoak eta gazta
10		Herga	Herga IV	Foiea, sagarra eta tipula
11		Titanic	Albóndiga piruleta	Atun-mamiak, berakatza, gazta, marrubizko siropea, arrautza eta olibo-olioa
12		BeerStation	Salcurucho BeerStation	Brick-orea zapoa, otarrainxka eta olagarroa
13		Giroa	Joselito	Kalabazina, hirugiharra, gazta, tipula eta piper gorria
14		Urkaregi	Urkaregi	Zapoa, hirugiharra, hondoak eta porru-txupitoa
15		Zutik	Itxaski	Ahuntz-gazta, izokin ketua, gulak eta perretxikoa
16		Zutabe	Ferrero Rocher de Morcilla	Odolkia, piperrak, berakatz eta belar findun gaztak eta almendrak
17		Xagua	Bocado de Xagu	Patata, txahal-haragia eta tomatezko azpin-olioa
18		Outumuro	Udaberriko Gatzozpina	Entsalada mistoa eta gazta urdina
19		Gass-Station	Gass con Plomo	Galeperraren arrautza, solomoa, tipula eta roquefort gazta
20		Paddock	Arriero	Salmorejoa, urdaiazpiko iberikoa eta arrautza egosia
21		Burduntzi	Bacalao Marinero	Bakailaoa, gulak, zainzuria eta pikiloa
22		Kiska	Otro día más sin verte	Bieira, foie, galiziako patata eta kiskaren ukitutxoa
23		Zurich	Gamba primavera	Hostorea, atuna, tomate frigitua, azenarioa eta ganba
24		Zappa	Pikardias de mar	Otarrainxka tenpuratan, philadelphia-gazta, urdaiazpiko ondua eta saltsak
25		Plaza del Mercado	B.B.B	Urdaiazpiko ondua, tomatea eta oliba-olioa

Pintxoak eskaintzen gaur goizean hasi dira ostalariek eta herritarrek horiek dastatzeko aukera izango dute datorren igandera bitartean. Taberna edo kafetegi bakoitzak ezarrita duen ordutegitik aurrera hasiko da pintxoak saltzen, 1,15 eurotan bakoitzeko. Epaimahaia bihar arratsaldeko 17:30etatik aurrera hasiko da tabernatatik pasatzen, bere erabakia eman ahal izateko. Aurtengo lehiaketa honetan bi sari izango dira, bata epaimahaiak emango duena eta bestea, herritarrek esleituko dutena. Epaimahaiak aukeratzen duen pintxo onenaren egileari 200 euroko saria eta diploma emango zaio eta, bigarrenaren egileari 50€. Herri bozka bidez, herritarrek aukeratutakoari berriz, diploma bat. Herritarrek bozkatzeko internet erabili ahal izango dute ostiralean gauerdira bitartean.

Informazio interesgarria:

• Bozkatu gehien gustatu zaizun pintxoa
• Pintxo lehiaketaren foiletoa