Liburutegiak beste behin haur eta gazteentzako 200 liburuen sorta jaso du

Ermuko udal liburutegiak sari moduan haur eta gazteentzako 200 liburu eta hainbat material osagarri jaso du, Kultura Ministerioak eta Udalerri eta Probintzien Federazioak Coca-Cola Fundazioaren laguntzaz, urtero irakurzaletasuna sustatzeko urtero deitzen duten kanpainan.

Azken edizioetan, gure liburutegiak kanpaina horretan hainbat aldiz jaso izan ditu aipamen eta sariak jarraian. Bertako langileen urtez, hori horrela izateak bertan gauzatzen duten lana eta proposamenak aintzat hartu eta oniritzia ematea kontsideratzen dute. Horrez gain, ezohiko bide horretatik liburutegiko fondoa asko hasi da, tituluen aukera zabala eskuratuz. Aurten jasotako sortaren barne haur eta gazteentzako 200 liburu (2.400€ balio dutenak), orri markagailuak, kamisetak, kanpainako poltsak eta 3 e-reader.

Irakurzaletasuna sustatzeko kanpainaren 2011ko deialdira Ermuak aurkeztutako proiektuak zuen titulua ondokoa zen “Entre la juventud y la madurez, la lectura intergeneracional”. Proiektu horrek udal liburutegiak urtean zehar garatu zuen irakurzaletasuna sustatzeko egitaraua eta hedapen kulturalerako egitarauak, Eskola liburutegiak martxan jartzea eta hirugarren adineko pertsonekin irakurzaletasuna suspertzeko izan ziren proiektuaren bi xede nagusiak.

Irakurzaletasuna sustatzeko kanpaina hori 1998an hasi zen eta harrez geroztik urtero egiten da, 50.000 biztanletik beherako herrietako liburutegientzat. Deialdiaren xedea liburutegi horietan haur eta gazteen artean irakur zaletasuna suspertzeko egiten diren jarduera, ekimen edo proiektuak saritzea da. Gurean, azken urteetan irakur zaletasunaren indizeak gora egin du, batez ere gazteengan.