Hizkuntza ikasteko hainbat material berri

Hizkuntzak ikasteko metodo eta material berriak erosi eta kontsulta errazteko asmotan erakusgarri jarri ditu udal liburutegiak, horrelako materialen erabiltzaile kopurua nahiz eskaria gero eta handiagoa dela aintzat hartuta.

Liburutegian dauden hizkuntza desberdinetako material gehienak maileguan eraman daitezke, hiztegiak eta erreferentziako obrak izan ezik. Gaur egun, Liburutegiko katalogoan 35.415 titulu daude, liburuak, aldizkariak, filmak dvd formatuan, CD-ROMak eta musikako CD-ak, besteak beste.

Euskaraz eta gaztelaniazko materialak elkarren ondoan eta Liburutegiko apalategi berdinetan daude kokaturik; hizkuntzak ikasteko metodoak eta beste hizkuntzetan dauden material gehienak, berriz, sarreratik hurbil daude. Beste hizkuntzetako materialen bilduma (2.093 titulu) azkeneko 6 hilabeteetan %7,5a handitu egin da (158 titulu berri).

Umeentzat txoko berezi bat dago, non hizkuntza desberdinetan idatzitako ipuinak eta irudizko albumak dauden. Hemen ingelesezko eta arabiarrezko materialak dira ugarienak. Aldizkariak eta hizkuntza anitzeko hiztegiak ere badaude.

Ikus-entzunezkoak (filmak, dokumentalak, musika, etab), aldiz, elkarrekin daude, pertsona bakoitzak karatulan iragartzen diren hizkuntzen artean ikusi edo entzuteko interesatzen zaiona aukeratu dezake eta.