Euskara sustatzeko eta ikasteagatiko diru-laguntzen deialdia zabalik

Ermuko Udalak euskara arloko bi diru-laguntza deialdiak zabaldu ditu aste honetan. Alde batetik, irabazi asmorik ez duten elkarteentzako diru-laguntza deialdia, zeinek herrian euskara sustatzea helburu duten proiektuak laguntzen baititu; eta bestetik, euskara ikasten aritu diren ermuarrentzako ohiko diru-laguntza deialdia.

Elkarteentzako diru laguntza deialdira eskabideak aurkezteko epea uztailaren 17ra arte egongo da zabalik; eta ikasleentzako diru-laguntza deialdia, berriz, urriaren 2ra arte. Kasu bietan informazio guztia gure Web orrian aurki daiteke eta eskabideak Abiapuntuko bulegoan egin beharko dira.

Informazio gehiago:

• Elkarteentzako diru-laguntzak
• Ikasleentzako diru-laguntzak