Genero indarkeriaren aurkako errekurtsoen gida

Emakumeenganako indarkeriaren kontrako materialen gida prestatu dute elkarlanean Udal liburutegiak eta Emakumeen Topalekuak. Gida hori herrian gauzatuko diren jardueren zerrendan kokatzen da, datorren azaroaren 25ean Emakumeen kontrako Indarkeria Ezabatzeko Nazioarteko Eguna izango baita.

Gida horretan aipatutako gaiaren inguruko materiala biltzen da: baliabideen gida, literatura, laguntza gidak, webguneak, pelikulak eta abar. Osagarri gisa, zenbait materialen erakusketa jarri da liburutegian bertan, eta azaroaren 27ra arte ikusi ahal izango da.

Gainera, leihoetan jartzeko puntu liladun kartelak banatuko dira liburutegian.

Gida esteka honetan eskuratu daiteke.