61. Txistulari Eguna ospatuko da bihar Ermuan

Alboka Musika Eskolak Txistulari Egunaren 61. edizioa antolatu du. Bihar, larunbata, 13:00etatik aurrera, 70 pertsona baino gehiago elkartuko dira Orbe Kardinala plazan emanaldi bat eskaintzeko.

Durangaldeko txistulariek, Txindurri dantza taldeak eta Alboka Musika Eskolako ikasle eta irakasleek (Pispillu, Txistulariak, Metalak eta Perkusionistak) hartuko dute parte ekitaldian, Enrike Monteroren zuzendaritzapean.

Hamabi abestiko emanaldia eskainiko dute guztien artean, eta Alejandro Zubizarreta eta Emilio Pradera txistulari ermuarrei omenaldia egingo zaie.

Eguraldi txarra izanez gero, ospakizunak Ermua Antzokian egingo dira.

Lerro hauen azpian ikus daiteke ekitaldiko kartela.