Jai, Giroa eta eta Sagarra tabernatako pintxoek 2016ko sari ofiziala jaso dute

‘Jai’ tabernak, ‘Giroa kafetegiak’ eta ‘Sagarra gastro tabernak’ aurtengo pintxo lehiaketako epaimahai ofizialaren lehen, bigarren eta hirugarren saria eskuratu dute hurrenez hurren. ‘Kalabaza lorea’, ‘Giroa saiheskia’ eta ‘Jatorria’ izeneko pitxoak saridun suertatu dira aurtengoan. Lobiano Gastronomia elkarteak antolatutako lehiaketa herrikoi hori igandean bukatu eta itxi zen.

Epaimahaikide izan dira Durangon dugun Kobika jatetxeko Koldo Kortabitarte, eta Ondojan enpresako koordinadore Josean Azpeitia. Horiekin batera laguntzen Lobiano Gastronomi Elkarteko Jesús Portugal partaidea. Epaimahaiak pintxo guztiak dastatu zituen eta bakoitzaren presentazioa, egiteko prozedura, egitura eta zaporea baloratu. Eta aurten estreinakoz pintxo sanoenaren aipamena egin izan dute, hori urkaregi jatetxeari egokitu zaiolarik ‘Antxoaren mila osto’ proposamenagatik.

Kontsumitzaile eta bezeroek epaimahaiarekin ez dira bat etorri, webgune korporatibo honeten nahiz larunbatean plazan jarritako ontziaren herri bozkaz. Hortaz, pintxoak dastatu eta beren botoa eman dutenek honako iritzia agertu dute: Titanic tabernaren ‘Oasia’ 37 boto, Hanningansen ‘Rollo Sabroson’ izenekoak 29 bozka eta Frankfurtekoak 24 bozka. Bozketan parte hartu dutenen artean produktu zorta zozketatuko da.

Lehiaketa ostiral gauean erabaki zen, epaimahaiko kideek aurrez finalera pasatzeko aukeratu zituzten hamabi establezimenduetatik bigarrenez pasa eta pintxoa berriz dastatu eta gero. Epaimahaiak establezimenduek aurkeztutako proposamenen maila altua azpimarratu du, horien aurkezpen txukuna eta aukeraketa egokigatik. Aurtengoan, lehia eta kalitatea ezaugarri izan ditugu -30 establezimenduk- parte hartu baitute.