Tenneco enpresaren langileek 6820 euro eman diote Gurutze Gorriari jostailuetarako

Tenneco konpainiak Ermuan dituen -ekoizpen eta berrikuntza- faktorietako langileek 6.820 euro eman dizkiote gaurkoan Eibar-Ermua Gurutze Gorria elkarteari, gizartetik at geratzeko arriskuan dauden familientzako jostailuak erosi eta bana ditzan 2016ko gabon kanpinaren barne. Ermuan dugun plantaren gerentea Mike Church, giza-baliabideen arduradun, Jorge García, eta enpresa-batzordeko –J.Carlos Garrido, Víctor Alonso, J.Luis Losada eta Jon Areitioaurtena- kideek erakunde humanitarioak eskualdean dituen Sonia Archeli, Pedro Pérez, Sonia Gisasola eta Agustín García ordezkariei harrera egin diete. Lehena eskualdeko presidenta da, bigarrena presidentordea, hirugarrena teknikaria eta azkena, idazkaria hurrenez hurren. Lehenek bigarrenei faktoria bakoitzean bildutako 6280 eta 540 eurotako bina taloi eman dizkiete, jostailuetan erabil ditzaten.

Mike Church kudeatzen duen “pertsona taldeaz harro” agertu da eta ekimena “Ume 1 jostailu 1. 2016ko Beraien eskubideak jokoan” kanpainarekin barne dagoela adierazi du. Tenneco-Monroe enpresako langileen elkartasun adierazleaz gain, enpresaren gizarte-erantzukizunaren ikur ere badela” azpimarratu du gerenteak. Honelako elkartasunak “taldeaz harro egotea eragiten dizu. Guri honako ekimenean laguntzeak poztasunez betetzen gaitu”.

Tennecok 800 pertsona ditu lanean Ermuko bi plantatan

Sonia Archeli presidenteak eskertu egin du emaria “asko eskertu ere, Tennecoren langileek eta enpresak egin duten ahalegina ekimenarekin eta izandako eskuzabaltasuna”. Harrituta gaude babes asko izan eta diru ugari bildu izan delako, estatu osoan egiten den ekarpenik handiena baita, eredugarria” azpimarratu du. Diru-kopuru horrekin elkarteko hogeina boluntarioek Ermua, Mallabia eta Eibarko familia hainbateko 0tik 12 urtera bitarteko haur eta gaztetxoentzat jostailu berriak erosiko dituzte. Zeregin horretan udal bakoitzeko gizarte zerbitzuen laguntza estua izango dute, krisialdi, langabezi edo errefuxiatu izanagatik beharrean diren familien kopuru nahiz seme-alaben adin zehatza ezagutzeko, adinaren arabera jostailua egokia izan dadin.

Pedro Perez presidenteordeak azaldu du duela bost urtetik ona dirua biltzen dutela “erositako jostailu berriak duinagoak direlako eta ilusio handia direlako jasotzen dutenentzat; estreinatu gabekoak izaten dira, kaxa, paper bilgarri eta guzti, beraien erru izan ez eta gizartearen erantzukizun diren arrazoiengatik txikiek ez dutelako zertan gehiago sufritu beharrik”. Lehenago erabilitako jostailuak jasotzen zituztela esan du eta “ez zen gauza bera izaten” eta bildutako askok ‘berregokitu behar izaten zituztelako’.

Langileen ordezkariek pozarren agertu dira baita ere, ekimenarekin bat egin izanagatik eta, batez ere, “lankideen erantzun onagatik”. Amaitu aurretik, inguruko beste enpresei horrelako ekimenak izateko luzapena egiten zietelarik.