Guraso-lagun ostiralean bilduko Lobianon, mintzapraktika egin eta Gabon apaingarriak prestatzeko

Berbalagun ekimenak ikasturteko lehen guraso-lagun irekia –guraso nahiz seme-alabentzat- antolatu du. Saioa aste honetako ostiralean egingo da, abenduaren 15ean, Lobiano Kulturgunean, arratsaldeko bost eta erdietatik zazpietara bitartean. Ordu eta erdiko saio horretan gabon apaingarriak prestatuko dira, eskulanetan jardunez gozo-gozo.

Ekintza hau, ekintza puntuala izan arren, hiruzpalau aldiz burutzen da urtean. "Irekia" adjektiboa erabiltzen du Ermuko edozein gurasok (eta bere seme-alabak) parte hartu ahal duelako. Ez dago zertan guraso-lagun talde batean izen emanda egon behar. Saioak tematikoak izaten dira eta guztietan guraso eta umeen arteko hartu-emana eta elkarlana sustatzen saiatzen dira antolatzaileek. Gaiek egiten den sasoiarekin izaten dute lotura. Oraingoan, esaterako, Gabon apaingarriak, ate joka baititugu.

Aurtengo 2017-2018 ikasturteko edizio honetan inoiz baino partaide gehiago bildu dira Guraso-lagun ekimenera, marka guztiak hautsiz, herriko ikastetxe guztietan baitago gutxienez guraso-lagun talde bat. Guztira 7 talde eta 50 bat guraso izanik, euskaraz mintzatu eta praktikatzeko taldeotan.