UKEk uztailerako ikastaroak eta horietan alta nahiz bajak emateko jarraibideak iragarri ditu

Udal Kirol Erakundeak (UKEk) jakinarazi du –zabaldu duen oharraren bidez- M.A. Blanco kiroldegian egiten diren ikastaro guztiak ekainaren 30ean –larunbatean- bukatutzat emango direla. Hori horrela, ikastaroetan alta nahiz baja emateko gida laburra prestatu dute, uztailean izango direnen ikastaroen zerrenda iragartzeaz gain.

‘Premium’ modalitatekoak diren erabiltzaileek eta fitnesseko ikastaro egileek uztailean jarraitu nahi badute ez dute ezer berezirik egin behar. Aldiz, jarraitzeko asmorik ez badute, ekainak 22a baino lehen baja eskatu beharko dute.

Kirolari eta zale orokorrak, ‘premiun’ modalitatekoak ez direnak, uztailereako programatu diren ikastaroetako bat egin nahi badute, modalitate zehatz bakoitzerako alta eman beharko dute. (Ikus ikastaroen eskaintza). Uztailean bai parte hartzea, bainan ez irailean ekainaren 22a baino lehen baja eman beharko eta uztailerako alta egin. Irailean jarraitu nahi ez den kasuan, baina bai irailetik aurrera, interesatuek ez dute ezer –inolako eskaerarik- egin beharko.

Azkenik, uztailean ez eta irailean parte hartzen jarraitu nahi ez dutenek, baja eman beharko dute ekainaren 22ko ostirala baino lehen –hori barne-.