Udal kiroldegia zabalik dago, desinfekzio orokorra egin ostean

Bi eguneko itxiera prebentiboaren ondoren, Miguel Angel Blanco udal kiroldegiak ateak ireki ditu gaur asteazkena, uztailak 22. Astelehen arratsaldean itxi zituzten instalazioak, desinfekzio orokorra egiteko; izan ere, erabiltzaile batzuek jakinarazi zuten isolamenduan zeudela etxean, Covid-19an positibo emateagatik edo PCR probaren emaitzaren zain egoteagatik.

Bi egun horietan, kiroldegiko areto eta aparatu guztiak higienizatu eta desinfektatu dituzte, azpiegituretan egon zitekeen birusaren arrastorik ez uzteko. Horrela, instalazioak prest jarri ondoren, gaur goizetik zabalik daude berriz ere.

Kiroldegia ixteko eta egokitzeko erabakia Osasun Sailak emandako abisuari erantzuna izan da; izan ere, sail horrek jakinarazi zuen bazitekeela foku bat egotea "gure udalerriko gazteen artean, hainbat zabalkunderekin". Hala, alerta egoeran mantentzea eta higiene- eta prebentzio-neurriak zorroztea eskatu zuen.

Gogorarazten dizuegu kirol-instalazioak zabalik egongo direla datorren ostegunera arte, uztailak 30. Abuztuan, hiru asteko geldialdi teknikoaren ondoren, kiroldegia eta Aritzmendi pilotalekua abuztuaren 24an irekiko dituzte berriro. Abuztuan ordutegia astelehenetik larunbatera 09:00etatik 13:00etara eta 16:00etatik 20:00etara izango da, baina ez da ikastarorik izango eta ezin izango da fitness aretora sartu.