Datozen kultur ikuskizunen ordutegiak egokituko dira

Eusko Jaurlaritzaren urriaren 26ko 36/2020 Dekretuaren edukia betetzeko, 23:00etatik 6:00etara bitartean erabilera publikoko bidetik edo espazioetatik pertsonen zirkulazioa mugatzeari dagokionez, Ermua Antzokiak jardueren ordutegiak egokitu ditu berriro.

Hori dela eta, Ermua Antzokian azaroaren 2tik aurrera egingo diren zine emanaldiak ohiko ordutegira itzuliko dira, hau da, asteburuetan 19:30ean eta astelehen, astearte eta ostegunetan 20:30ean. Igandeetako haurrentzako saioa 17:00etan hasiko da ohi bezala.

Bestalde, ostiraletako zuzeneko ikuskizunak 20:00etan hasiko dira, ostiral honetako bertso jaialdia izan ezik, 19:00etan hasiko baita.

Neurri horrek aldaketak izan ditzake osasun-egoeraren eta dagozkion jarraibideen arabera.