Aitor Hernandezek emaitza diskretuaz hasi du Valentzian ziklo-kroseko denboraldia

Aitor Hernandezek (Specialized-Ermua Innpulso taldekoa) ziklo-kroseko 2020-21 denboraldiko lehen bi lasterketak jokatu ditu asteburu honetan, biak Valentziako Erkidegoan eta biak C2 UCI mailakoak. Bere parte-hartzea diskretua izan da ohituta gaituen emaitzekin alderatuta; larunbatean hamalaugarren bukatu zuen Xativan eta atzoko igandean hamabigarren Valentzian. Bi lasterketetan Felipe Ortsek irabazi zuen.

Larunbatean ermuarrak ez zuen erritmo ona hartu lasterketa osoan zehar. Hala ere, seigarren txirrindulari nazional bezala mantendu ahal izan zen, lehen hamar sailkatuetatik edo top-10etik minutu bat baino gutxiagora.

Igandean, Aitor Hernandezek sentsazioak eta posizioa hobetu zituen. Aurreko jardunaldian baino sentsazio hobeak izan arren, Specialized-Ermua Innpulsoko txirrindulariak ezin izan zuen gora egin ez eta eta goiko postuetara iritsi ere.

Igandeko lasterketaren ostean, Aitor Hernandezek honakoa esan zuen: "Asteburu gogorra izan da, lehiaketa eta erritmo falta nabaritu dut hanketan, baina uste dut oso positiboa dela hemen korritu izana, kontaktu hartze gisa balio izan didalako. Bi lasterketa zail ziren, hartxintxarrak eta hareak zirkuitu zailekin, baina dena eman dut ahalik eta hobekien egiteko. Beste urte batzuetan hemen irabazi izanagatik maite ditudan eszenatokiak dira. Bi lasterketa hauetatik indarberrituta eta gehiagorako gogoz irteten naiz datozen asteburuetan".