Urriko kirol eskaintza, berrikuntzaz blai

Ermuko Udaleko Kirol Sailak urrian Miguel Angel Blanco udal kiroldegian emango diren ikastaro eta jardueren programazioa aurkeztu du. Eskaintza askotarikoa eta osoa da, adin-talde guztien beharretara egokitua.

Programazioaren barruan, helduentzako 23 jarduera eta haurrentzako beste 12 jarduera daude, 106 ikastaro guztira, herritarrek kirol- eta osasun-helburuak bete ditzaten.

Azken urte honetan ohikoa izan den bezala, ikastaroen garapenean une oro Covid-19aren aurkako protokolo higienikoa eta sanitarioa betetzea aurreikusten da, erabiltzaile guztien eta begiraleen segurtasuna eta osasuna zaintzea helburu duena.

• 2021eko urriko ikastaroen eskaintza
• Premium jardueren ordutegiak

Denboraldiko berrikuntzak eta doako probak

Hil honetatik aurrera, gustu guztietarako ikastaro berriak eskainiko ditu kiroldegiak:

• Sasoian – mantentze gimnasia. 16 urtetik gorako pertsonei zuzenduta dago, eta astearte eta ostegunetan eskainiko da honako ordutegi tarteetan: 17:30-18:25 / 18:30-19:25 / 19:30-20:25. Doako saio batean parte hartu daiteke urriaren 5ean eta 7an.
• Gazte Kirola. 12 eta 18 urte arteko gazteei zuzenduta, astearte eta ostegunero 17:30etik 18:25era. Probatu ezazu doan urriaren 5ean edo 7an.
• TBT – Total Body Training. 16 urtetik gorako pertsonentzat. Orain arte ere eskaini izan da jarduera hau, baina ordu-tarte berriak gehitu dira, astelehen eta asteazkenetan 20:30etik 21:25era. Proba ezazu doan urriaren 6an.
• Yoga integral. 12 urtetik gorakoentzako ikastaro berri hau ostiralero eskainiko da, 11:00etatik 12:00etara. Urriaren 8an doako saioan parte hartu dezakezu.
• Helduentzako igeriketa ikastaroak. Urriaren 8a arte honako ikastaroetako bat probatu dezakezu doan:
• Hastapenak-trebakuntza: astearte eta ostegunetan 10:00etatik 10:50era.
• Trebakuntza: astelehen eta asteazkenetan 20:05etik 20:55era.
• Trebakuntza: astearte eta ostegunetan 20:00etatik 20:50era.
• Eskalada: 5 urtetik gorako haurrentzat, astearte eta ostegunetan 17:30etik 18:25era Betiondon.

Gogoratu ezazu berrikuntza hauetaz gain, eskaintzen diren edozein ikastaro doan probatu dezakezula.

Izapide eta gestio guztiak Ermua Kirolak mugikorretako aplikazioa erabiliz, http://kirolakonline.ermua.es/ webgunean sartuz edo aurrez aurre kiroldegiko harrerara gerturatuz egin ditzakezu. Informazio gehiago behar edo zalantzak argitu nahi izanez gero, deitu 943 17 90 90 telefono zenbakira edo idatzi mezua kirolak@udalermua.net helbide elektronikora.