Berrirekita dugu Konbentukoa kaleko ‘Abiapuntu’ bulegoa

Erosoagoa eta funtzionalagoa, digitalizazioaren erronkari aurre egiteko prest

Konbentukoa kaleko ''Abiapuntu -Punto de inicio'' udal bulegoak irudi eta ekipamendu berri batekin ireki du gaur, herritarren premiekin eta eskakizunekin eta XXI. mende honekin bat datorren hurbileko, irisgarri eta kalitatezko arreta eskaintzeko.

Herritarrei Arreta Emateko Zerbitzuaren areto nagusiak hiru gune bereizi ditu orain. Kristalezko ateak zeharkatu ondoren, ezkerretara txanda hartzeko QMatic makina daukagu (oraindik erabilgai ez dagoena), eta horma horretan banakako lau ekipo ditugu, abiadura handiko Internetera konektatuta, 21 hazbeteko ukipen-pantailak eta eskaneatu eta inprimatzen duen funtzio anitzeko gailu bat dituztenak. Erabilera libreko tokiak dira, pertsonen eskura daudenak kudeaketa eta izapide digitalak egiteko, gero eta zabalduagoak eta arruntagoak administrazio publiko guztietan. Eta kristalezko estalkiaren atzean komuna dago, erabiltzaile guztientzat egokitua dagoena.

Abiapuntun udal-kudeaketak zein beste administrazioenak egin ahal izango ditugu

Aretoaren erdian, bi postuko mostradorea dugu, izaera orokorreko kontsultei eta informazio-eskaerei erantzuteko, eta, hala badagokio, kudeaketa eta izapide errazenei eta laburragoei bide emana eta erantzuteko. Eta horren aurrean, hiru postu, bakoitza aulki binarekin, arreta zuzena eta banakakoa emateko, lasaiago eta pertsonalizatuagoa, norberaren beharrei egokitua.

Abiapuntuk altzari berriak ditu, bulegoko hornidura elektrikoa sektorizatu egin da eta kolore zuri hautsi batean margotu da, estaldura grisarekin konbinatzen duena eta argitasun handia ematen diona. Abiapuntu gure udalaren bulego nagusia edo bateratua da, eta bertan administrazio-kudeaketa ugariak (estatistika eta errolda, erregistroa, Gizarte eta Hirigintza Zerbitzuekin hitzorduak, lizentziak, ordainketak, informazioa eta beste asko) egin ditzakegu (estatistika eta errolda, erregistroa, Gizarte eta hirigintza zerbitzuekin hitzorduak, lizentziak, ordainketak, informazioa eta abar). Baita udalaz gaindiko beste administrazio batzuekin izapideak egiteko leihatila bakarra ere, bai autonomia-erkidegokoak (Aldundia, Eusko Jaurlaritza eta bere sailak, hala nola, Kontsumo, Etxebide, Arartekoa eta abar), bai nazionalak (beste autonomia batzuk) Zuzenean edo O.R.V.E. (Erregistro Birtual Elektronikoaren Bulegoa) delako elkarreragingarritasun-hitzarmenei esker.

Bulegoak barneko lan-eremu bat izaten jarraitzen du artxibo-, dokumentazio-, estatistika- lanetarako. Hori guztia, zerbitzua modu eraginkor eta efizienteagoan emateko.