Ermuan eta Mallabian 22. Korrikak edukiko duen kultur programa prest

Korrikaren hogeita bigarren edizioa martxoaren 31n hasiko da Amurrion (Araba) eta apirilaren 10ean amaituko da Donostian. Gure herrira apirilaren 1ean goizeko 9ak aldera iritsiko da Mallabitik segidan Eibarrera jarraitzeko eta Gipuzkoan barneratuko da.

Gure herriko Batzorde Antolatzaileak bi orrikoa argitaratu du zeina asteburu honetan utziko digute gure etxeetan. Argitalpen horretan ''Laburbiran'' bildutako film laburren proiekzioa, Lur Usabiagaren ipuin kontaketa saioa (bihar larunbata), ikasleen Korrika txikia, Pirritx, Porrotx eta Marimotots pailazoen ikuskizuna, Gazte korrika eta euskaraokea, mintzodromoa eta euskararen aldeko martxa iritsiko den egun bereko herri bazkaria. Apirileko lehen asteburuan biziko dugun Euskal Jaia.

Apirileko lehen ostiral horretako egun handiari dagozkion eta Korrikaren beraren xehetasunak (establezimendu eta erakunde laguntzaileak, photocalla, merchandising eta petoak, eta abar) datorren asteko ostegunean, martxoak 24, Orbe Kardinalaren plazan egingo den aurkezpen ofizialean eskainiko dira.

Euskararen aldeko martxa herrikoiaren ibilbideak jasotzen duenez Amurriotik abiatuko da martxoaren 31n eta, etenik gabeko hamaika egun jarraian igaro ondoren, Donostian amaituko da apirilaren 10ean. Edizio honetan lasterketa hiru aldiz pasatuko da Bizkaitik.

Korrikaren 22. edizioa egingo da aurten, "HitzEkin" elkarketaren lelopean. AEK-k bere jatorria eta zentzua azaldu ditu: "Hizkuntza bat hitzekin osatzen da, baina ekimenek eraikitzen dute hizkuntza baten komunitatea. Euskarak aurrera egin nahi badu, euskaldun (pro)aktiboak behar ditu, konbentzimendutik ekintzara, praktikara, jauzi egingo dutenak".

Korrikaren 22. edizioa girotuko duen abestiak ere izen bera du. Nerea Urbizu da zuzendari artistikoa. Hitzak Sustrai Colinarenak dira eta Ane Garciak, Anarik eta Nerea Urbizuk abesten dituzte. Eymard Uberetagoena (Tripulante Produce) da bideokliparen ekoizlea.