Herriko desfibriladoreen egokitasuna frogatuko eta ekipoak eguneratuko ditu Bexen cardioak

''Ermua, hiri kardio-babestua'' proiektua lantzen duen eta udalerrian dauden ''Reanibex 100'' ekipoen fabrikatzaile integrala eta hornitzailea den "Bexen Cardio" enpresak bihar, martxoak 23, jaso eta bere instalazioetara eramango ditu unitate horien egoera egiaztatzeko eta daukan softwarea azken bertsioa jartzeko, hobetu egin baita.

Enpresako teknikariek asteazkenean jasoko dituzte ekipoak goizeko lehen orduan, instalazioetara eramateko, haien egoera, funtzionamendua eta bateria egiaztatzeko, eta softwarearen azken bertsiora eguneratzeko. Azken bertsio hori osatuagoa da, hobekuntzak baititu. Arratsaldean, berriz ere jarriko dituzte desfibriladoreak bide publikoan eta udalerriko beste eraikin batzuetan dauden armairuetan.

Ermuko udalerriak gune kardio-babestua izaten jarraituko du froga eta hobekuntzak egiten diren orduetan, berrikusi beharreko ekipoen ordez beste batzuk jarriko baitira denbora horretan.

Bexen Cardiok gailu bat jarriko du Ermuan banatuta dauden gainerako ekipoetan. Sentsore horrek erakusleihoren irekiera detektatzen eta erregistratzen du. Bertan, desfibriladorea gordetzen da, edozein bihotz-gorabeheraren aurrean erabil dadin. Ermua, hiri kardio-babestua ekimenak ehun pertsona boluntario baino gehiago mobilizatu eta osatu zituen bihotz-geldialdi baten biktima bati laguntzeko. Berriki ikastaroaren edukia gogoratzeko saiora deitu diren boluntarioen sarea.