Terrorismoaren Biktimen Fundazioaren saria, Giza Eskubideak defendatzeagatik

Terrorismoaren Biktimen Fundazioak urtero ematen dituen sarien zerrenda ezagutzera du, eta jakinarazi du ''Adolfo Suárez'' Giza Eskubideen Defentsaren saria ''Ermuko espirituaren'' bidez emango diola gizarte osoari, Miguel Angel Blanco Garrido hil eta hogeita bost urte betetzean egindako mobilizazioagatik. Saria abenduaren 15ean banatuko da, Madrilgo Amerika Etxeko Gabriela Mistral auditorioan.

Miguel Angel Blancoren hilketaren XXV. urteurrenarekin bat egiten duen edizio honetan, epaimahaiak ''Adolfo Suárez'' Giza Eskubideen saria eman nahi izan dio espainiar gizarte osoari, 1997ko uztailean ETAk zinegotzi popularra bahitu eta hil ondoren sortutako mugimendu zibiko espontaneoa islatu zuen ''Ermuko Espiritua'' deitutakoari, zeina mobilizazioen isla izan zen.

Hasiera batean bahituarekiko eta, hedaduraz, geroago, ETAren terrorismoaren biktima guztiekiko elkartasunaren adierazpen gisa, Espainia osoan manifestazio espontaneoetan gauzatu zen Ermuko espiritua.

Laburbilduz, ''Ermuko espiritua'' deiturikoa inflexio puntua izan zen. Miguel Angelen bahiketak eta hilketak terrorismoa gaitzesteko sentimendu zabala eragin zuen gizartean, aurretik ''Gesto por la Paz'' (1996) bezalako mugimendu zibikoek hasitako bideari jarraiki. Hipercorreko edo Zaragozako kuartel-etxeko aurreko urteko sarraskiek talde terroristaren gaitzespena areagotu zuten. Ordutik aurrera, ETAren indarkeriaren aurkako erakundeak eta adierazpenak ugaritu egin ziren. Basta Ya! plataforma , adibidez 1999an sortu zen.

Hiritar mugimendu guztien izenean, Ermuko alkate bik batera jasoko dute saria, gaur egungoa, Juan Carlos Abascal, eta 1997ko uztailean alkate zen Carlos Totorika Izaguirrerekin batera. Azken hori hiriko alkatea izan zen 1991tik 2018ra, eta legebiltzarkidea 1999tik 2001era.

XIX. edizioko sarituen zerrenda

Halaber, Donostiako ''El Diario Vasco'' egunkariko Arantza Gonzalez Egaña kazetariak, ''Fernando Delgado'' Kazetaritza saria jasoko du, eta Guardia Zibilaren Ekintza Azkarreko Taldeek (GAR), 2022ko aipamen berezia.

Azkenik, DBH eta Batxilergoko ikasleek ''Ana Maria Vidal Abarca, biolentziarik gabeko hiria'' eskola-sariak jasoko dituzte.

Ekitaldiaren buru Terrorismoaren Biktimen Fundazioko presidente den Tomás Caballero izango da, estatuko, autonomia-erkidegoko eta tokiko agintariekin, Terrorismoaren Biktimen Elkarte eta Fundazioetako ordezkariekin, Estatuko Segurtasun Indar eta Kidegoetako eta Indar Armatuetako ordezkariekin batera, baita Fundazioko patroiekin eta mezenasekin ere.