Lapurreten aurkako alarma kolaboratiboa, gure merkataritza babesteko

Industria, Merkataritza eta Turismo Ministerioak Ermuko Udala hautatu du onuradun gisa merkatuak, hirigune komertzialak, merkataritza ez-sedentarioa eta merkaturatzeko bide laburrak babesteko laguntzen deialdian. Laguntza hori Europar Batasunak Next Generation EU funtsen bidez finantzatzen duen Berreskuratze, Eraldaketa eta Erresilientzia Planaren barruan sartzen da.

Proiektuaren helburuetako bat saltoki txikiak lapurretetatik eta intrusioetatik babestea da. Horretarako, merkataritza-establezimenduetan babes-sistema berritzaile baten doako instalazioa jarri da abian. Lapurreten aurkako alarma kolaboratiboa da, eta sistemara atxikitako saltoki guztiak eta Udaltzaingoa ohartarazten ditu, intrusiorik izanez gero.

Elkarlaneko alarmari buruzko informazio guztia hemen eskuratu dezakezu.

Ermuko Udaletik merkatari guztiak proiektu honetan parte hartzera animatzen ditugu. Horretarako, formulario hau bete dezakezu. Zalantzarik izanez gero, idatzi mezu bat pe@udalermua.net helbidera zure telefono zenbakiarekin eta deituko dizugu.